Riding community sa Iloilo, nagplastar sang ila mga rason sa ila pagpamatok sa pagpatuman sang “Doble Plaka” Law

Iloilo City — Nagplastar sang ila mga rason ang riding community sa Iloilo kun ngaa indi sila pabor sa pagpatuman sang Republic Act 11235 ukon ang Motorcycle Crime Prevention Act ukon “Doble Plaka” law.    

Suno kay Mr. Carlo Eyao, president sang Panay Alliance of Riding Enthusiast (PARE) kag vice president sang United Panay Riders Club (UPRC), delikado ang pagbutang sang daku nga plaka ilabe na sa atubang sang salakyan.

Base suno sa iya sa research kag video presentation, may posibilidad nga maglupad ang daku nga plaka bangud sang mabaskog nga hangin kag maigo ang rider ukon ang nagasunod sa iya nga salakyan.

Lakip man sa mga rason sang riding community amu nga indi “doble plaka” ang solusyon sa kriminalidad kundi police visibility; may disiplina sila sa karsada; nagapalapnag sila sang safety riding information; naga-upod sa lihok sang gobierno para kaayuhan sang kadam-an kag indi tanan nga riders criminal.        

Ginpahayag ni eyao nga mga professionals ang mga miembro sang ila grupo gani unfair para sa ang bag-o nga laye.

Sang damlag lang, naghiwat sang unity ride ang mga motorcycle riders sa iloilo bilang protesta sa implementasyon sang “doble plaka” law. (JoMaque)