Barangay kapitan sang Cayos, Dumangas, wala nagapati nga gin-aswang ang duha ka bulan nga lapsag nga ginhaboy sa bintana

Dumangas, Iloilo — Wala nagapati si Punong Barangay Rolando Ordoyo sang Cayos, Dumangas nga gin-aswang ang duha ka bulan nga lapsag nga ginhaboy sa bintana.

Bisan ang amay sang lapsag suno sa iya ang wala man nagapati nga gin-aswang ang iya bata.

May record suno sa iya sa Dumangas District Hospital nga napatay ang lapsag bangud sa balatian.

Nakalab-ot sa kapitan ang reklamo sang mga residente nga malapit sa balay sang bata sang Marso 21 kag iya gin-aksyonan bangud delikado sa ikaayong lawas sang mga pumuluyo ang lapsag nga wala ma-embalsamar kag wala malubong.

Wala man nagapati ang kapitan nga may unod nga bata ang lampin sang ginhaboy sang lola sa bintana. (JoMaque)