ArchivesLokalUncategorized

Paggamit sang gas, uling, kahoy sa pila ka negosyo sa public market sang Alimodian, gindumili ni Mayor Kalay Alonsabe

Alimodian, Iloilo – Gindumili ni Mayor Geefre ‘Calay’ Alonsabe ang paggamit sang kahoy, gas, ukon uling sa mga naga-negosyo sa sulod kag sa palibot sang merkado sang banwa.

Kasunod ini sang natabo nga pagkasunog sang mag-asawa nga nagabaligya sang fried chicken matapos nagsungaw ang tangke nga ginapatihan sang BFP-Alimodian nga may leak kag gindakup sang kalayo ang mantika .

Suno kay SFO3 Arnold Abellar sang BFP-Alimodian, ginhimo sang alkalde ang announcement sa flag ceremony sa munisipyo sang Marso 25.

Pero gin-athag ni Abellar nga gina-konsiderar nila ang mga negosyo nga kumpleto sa permit.

Sakup sang announcement ang mga negosyo pareho sang mga carts nga nagabaligya sang fried chicken kag ang mga kalan-an sa sulod sang merkado. (JoMaque)

 

Leave a Reply