Halit sang tig-ilinit sa probinsya, malapit P1 billion — Provincial Agriculture’s Office

Iloilo— Ginabanta sa P911 million ang balor sang kahalitan sa humayan dala sang tig-ilinit.

Suno kay Elias Sandig, Assistant Provincial Agriculturist, ang kandidad base nga report nga ginpasa sang 39 ka government units sang Marso 15.

Ginahulat pa sang PAO suno kay Sandig ang “damage report” sang San Miguel, Sta.Barbara, New Lucena kag Sara para makompleto ang tanan nga LGU’s sa probinsiya.

Sang Lunes, Marso 25, ginpaidalum sang state of calamity ang Bingawan dala sang tig-init.

INDI PA MAKADEKLARAR SANG STATE OF CALAMITY ANG PROBINSYA — PDRRMC

Indi pa maka-rekomendar ang Provincial Disaster Risk Reduction and Management Council (PDRRMC) nga ipaidalum sa state of calamity ang probinsya bangud sa epekto sang El Niño.

Ini ang ginpahayag ni PDRRMO Jerry Bionat bangud padayon pa ang pagsulod sang report sa ila opisina halin sa mga Municipal Disaster Risk Reduction and Management Council (MDRRMC).

Sa record sang PDRRMC, Bingawan pa lang ang nakadeklarar sang state of calamity bisan padamu na sang banwa ang nagreport nga apektado sang El Niño. (JoMaque)