Magtiyo sa Pototan, nakuhaan sang mga armas kag bala

CIDG 6, Iloilo City — Nakuhaan sang mga armas kag bala si David Magbanua, 64 anyos nga former OFW, kag iya hinablos nga si Jerry Magbanua, 44 anyos nga mangunguma, sang ginserbihan sang taga-Criminal Investigation and Detection Group sang search warrant sa ila balay sa Barangay Zarrague, Pototan subong nga adlaw, Marso 28.

Suno kay Police Major James Allen Dugao, nakuha sa balay ni David ang 9mm, 45 cal. kag mga bala. Nakuha naman sa balay ni Jerry ang 45 cal. kag KG9.

Ginpahayag ni Dugao nga gina-imbestigaran pa nila ang background sang magtiyo kag kon paano sila naka-angkon sang mga pusil.

Nagbalibad nga magpa-interview ang magtiyo. (AGB)