28 drivers, ginpa-idalum sa random drug test sang PDEA 6

Iloilo City–Naghimo sang random drug test ang Philippine Drug Enforcement Agency (PDEA) 6 upod ang iban pa nga law enforcement agencies pareho sang PNP, LTO, LTFRB kag PSTMO sa mga drivers sang taxi kag jeepneys sa mga terminals subong nga aga, Marso 29.

28 ka mga drivers ang ginpa-idalum sa drug test sa Ungka Terminal.

Suno kay Mr. David Garcia, spokesman sang PDEA 6, lunsay negatibo ang resulta sang drug test sa 28 ka drivers.

Ini suno kay Garcia kabahin sang ila programa nga “Oplan Harabas: Drug Test Muna Bago Pasada.”

Ang Oplan Harabas suno kay Garcia ginahimo man sa iban pa nga siyudad kag probinsiya. (JoMaque)