Doktor sa WVMC nga ginreklamo sang kasubong nga doktor matapos nagpamalibad nga magbaton sang gin-refer nga pasyente, wala pa makahatag sang komento

Iloilo City — Gintinguhaan sang Aksyon Radyo Iloilo nga makuhaan sang pahayag ang doktor sa Western Visayas Medical Center nga una na ginreklamo nga nagpamalibad sa pagbaton sang pasyente apang wala pa siya nakasabat.

Ginkuhaan man sang Aksyon Radyo Iloilo sang pahayag ang mga opisyal sang WVMC angut sa reklamo apang wala pa man sila nakahatag sang opisyal nga pahayag.

Matandaan, nagreklamo si Dr. Mary Joyce Bermejo, rural health physician sang Miagao, nga nagpamalibad si Dr. Alaska, resident doctor sa Internal Medicine sang WVMC, sa pagbaton sa 83-anyos nga pasyente nga ginrefer niya bangud ginarenovate ang ospital.

Dugang niya, ginpahayag man ni Dr. Alaska nga end stage na ang pasyente ukon dali na lang mapatay. (JoMaque)