Court of Appeals, ginpunggan ang gin-grant sang Mandaluyong court nga TRO nga gin-isyu sa PECO angut sa pagpatuman sang laye nga nagahatag sang prangkisa sa MORE
Manila — Ginpunggan sang Court of Appeals Special 17th Division ang gin-grant sang Mandaluyong City RTC Branch 209 nga temporary restraining order nga gin-isyu sa Panay Electric Company sang Marso 14 angut sa pagpatuman sang laye nga nagahatag sang franchise sa MORE Electric and Power Corporation.
Sa desisyon nga ginpaguwa kahapon, nag-isyu ang 17th Division sang 60 ka adlaw nga TRO sa 20-day TRO nga ginpaguwa sang RTC Branch 209.
Base sa desisyon, nag-expire na ang prangkisa sang PECO kag may franchise to operate na ang MORE paagi sa Republic Act 11212.
Nabutang man sa Section 78 sang “Electric Power Industry Reform Act of 2001” nga ang Korte Suprema lang ang makamandu sa pagpugong sang implementasyon sang mga probisyon sang EPIRA.
Illegal man suno sa CA ang Order sang RTC Branch 209 bangud ginpunggan ang Energy Regulatory Commission kag Department of Energy sa pag-perform sang ila mandate.
Samtang ang TRO, kapareho lang nga nag-extend sa franchise sang PECO nga ang Kongreso kuntani ang may otoridad sa paghatag kag indi ang Branch 209. (JoMaque)