41 ka balay, nasunog sa Zone 12, Calaparan Arevalo; Napabay-an nga kandila, ginatudlo ginhalinan sang kalayo

Iloilo City — 41 ka balay ang nasunog sa Zone 12, Barangay Calaparan, Arevalo kagab-i, Marso 30.

Base sa latest data nga nakuha sang Aksyon Radyo Iloilo tubtub las 5 kaina sang kaagahon, Marso 31, 34 ang totally gutted kag pito naman ang partially damaged nga balay.

Ginatudlo nga naghalin ang kalayo sa balay ni Nonoy Ituriaga Lacson antes naglapta.

Ginpahayag nga nabilin niya ang nasindihan nga kandila bangud brownout sa ila lugar.

Madasig nga naglapta ang kalayo bangud human sa light materials ang kalabanan nga mga balay.        

9 naman ang napilasan sa insidente lakip ang duha ka aide sang Bureau of Fire Protection.

37 ka pamilya ang nagatiner sa evacuation center samtang ang iban naman ang nagtiner sa ila mga himata. (JoMaque)