Coastal clean-up sa 26 ka mga barangay sa syudad, ginpangunahan sang CENRO

Iloilo City — Gin-updan sang mga barangay officials, representatives halin sa concerned government agencies, mga estudyante kag iban pa nga stakeholders ang coastal clean-up nga ginpangunahan sang City Environment and Natural Resources Office kahapon sang aga, Marso 30.

Suno kay CENRO head Engr. Noel Hechanova, 26 ka coastal barangays ang ila ginkadtuan sa tuyo nga matinluan ang higad sang suba kag baybay.

Ang coastal clean-up ginhimo kasunod sang city-wide clean-up sang Agosto sang nagligad nga tuig.        

May ginadihon nga programa ang CENRO suno kay Hechanova agud mabuligan ang mga barangay kon paano masolusyunan ang problema sa basura. (JoMaque)