Tokhang surrenderer, dakup sa drug buy bust operation sa Oton

Oton, Iloilo— Dakop sa buy bust operation ang 40-anyos nga lalaki sa Barangay Sambaludan kagab-i, Abril 3.

Ginkilala ang subject kay Ryan Gonzaga sang amo man nga lugar nga nakuhaan sang 7 ka sachets sang suspected shabu kag P1,200 nga buy bust money.

Suno kay Police Major Gervenson Moyo, hepe sang Oton Police Station, si Gonzaga ang tokhang surrenderer sang Tanza, Esperenza, City Proper kag may kaso nga pagpangawat sa syudad.

Nakapangasawa si Gonzaga sa Barangay Sambaludan pero residente siya sang Zone 1, Tanza Esperanza. (JoMaque)