Children’s playground, ibutang sa 4 plazas sa syudad

ILOILO CITY — Apat ka mga plazas ang butangan sang children’s playground: Ang Plaza Libertad, Molo Plaza, Jaro Plaza kag Lapaz Plaza.

Gin-inagurahan na ang playground sa Plaza Libertad kag masunod naman ang tatlo. Samtang ang iban naman nga distrito ang ginapangitaan pa sang lugar kun diin ibutang.

Suno kay Mayor Joe Espinosa, kabahin ini sang plaza kag park renewal. Sang nagliligad nga tuig suno sa iya, madulom kag ginabaligyaan lang sang ukay-ukay ang mga plazas.

Dugang pa sang alkalde, may senior citizens’ park man nga ibutang agud nga maka-exercise ang mga naga-edad na.

Wala naman nakahibalo si Espinosa kun pila ang pondo para sa children’s playground. Sang ginpalapitan naman sanday City Administrator Atty Hernando Galvez kag City Engineer Bobby Divinagracia, wala man sila nakahibalo sang presyo. (JoMaque)