Backhoe operator sa Passi City, nalumos patay sang nahulog sa suba ang gina-operate nga heavy equipment

Passi City, Iloilo — Patay ang backhoe operator matapos nalumos sang nahulog sa suba ang gina-operate nga heavy equipment sa Barangay Gemat-y pasado las-tres kahapon, Abril 10.

Suno kay Lieutenant Colonel Arturo Fullero, hepe sang Passi City Police Station, na-out balance ang backhoe kag nahulog sa suba.

Base sa imbestigasyon sang Passi City police, ginpahayag sang doktor nga pagkalumos ang gintunaan sang kamatayon ni Larry Despi sang Barangay Alimono .

Natabu ang aksidente sa quarry site sa amu nga lugar. (JoMaque)