‘Bag-o nga drug lord’ nga ginatumod ni Pres. Duterte, posible naghalin sa mga na-identify nga drug groups sa Iloilo, Bacolod City kag Negros Occidental — PRO 6 Spox

Iloilo City — Posible nga halin sa mga na-identify nga drug groups sa Iloilo province, Bacolod City kag Negros Occidental ang bag-o nga drug lord sa Western Visayas nga ginatumod ni Presidente Rodrigo Duterte.

Suno kay Police Regional Office 6 spokesperson Lieutenant Colonel Joem Malong, wala na-specify sang presidente ang ginatumod niya nga bag-o nga drug lord nga nagbulos kay the late PDEA identified drug group leader Melvin Odicta.

Base sa record sang PRO 6, may duha ka drug groups sa Iloilo province, tatlo sa sa Bacolod City kag anum sa Negros Occidental.

Wala naman sang may na-identify nga bag-o nga drug groups sa syudad sang Iloilo suno kay Malong pero indi malipod suno sa iya nga naga-operate sa syudad ang drug groups halin sa Bacolod.

Pero kun basehan suno kay Malong ang manpower kag operations sang drug groups sa Bacolod City, malayo ini kumparar sa drug groups sa Iloilo province.

Ang tatlo ka drug groups sa Bacolod ginabug-usan sang 35 ka drug personalities samtang 41 ka drug personalities ang nagabug-os sa duha ka drug groups sa Iloilo province.

Sa record sang PRO 6, nagahalin sa Bacolod kag Negros ang madamu nga supply sang illegal drugs. (JoMaque)