Mga Ceres bus drivers kag konduktor sa Buhang,Jaro terminal, gin-subject sa surprise drug test

Iloilo City — Gin-subject sa surprise drug test ang mga bus drivers kag konduktor sang Ceres sa Buhang, Jaro subong nga aga, Abril 15, sang gintingub nga puwersa sang Philippine Drug Enforcement Agency (PDEA), Land Transportation Office (LTO), Land Transportation Franchising and Regulatory Board (LTFRB), City Government kag Philippine National Police (PNP).

Ang duha ka adlaw nga drug test kabahin sang Oplan “Huli Week” nga ginapangunahan sang PDEA 6.

Katuyuan sang aktibidad ang safe nga pagbiyahe sang mga pasahero subong nga Semana Santa.

Magluwas sa Buhang, Jaro, may tatlo pa ka lugar nga iga-subject sa drug testing umpisa subong nga adlaw tubtub buwas, Abril 16. (JoMaque)