Alleged NPA member nga nadakpan sa Calinog, ginpasakaan na sang kaso sa Prosecutor’s Office

Iloilo – Ginpasakaan sang kaso nga illegal possession of firearms kag paglapas sa Comelec Gun Ban si Remie Diaz alyas Ka Fernan, 21 sang Barangay Masaroy, Calinog.

Una na ginpabutyag ni Lieutenant Colonel Joel Benedict Batara, commanding officer sang 61st Infantry Battalion sang Philippine Army, nga nadakpan si Ka Fernan kasunod sang engkwentro sang mga soldado kag ginabanta 10 ka miembro sang Igabon Platoon sang Central Front Panay sang NPA sa Barangay Masaroy kahapon sang aga, Abril 17.

Suno kay Batara, nakuha kay Ka Fernan ang 1 ka rifle cal.30 M1 Garand, 1 ka modified M79 GL, 1 ka 12 gauge home made shot gun, 1 ka cal .38 revolver, 4 ka rifle grenade, 1 ka clip nga may bala sang cal. 30 kag walo ka rounds sang 40 mm nga bala, 1 ka bandoleer, subversive documents kag mga medical supplies.

‘PAHAYAG SANG NPA’
Ginpanginwala sang Jose Percival Estocada Jr Command Unit Igabon nga may engkwentro.

Sa statement nga gin-post sang NPA sa Roja Panay Facebook page, ila ginpahayag nga gindakup si Fernan nga isa ka mangunguma. Suno pa sa grupo, madugay na nga wala sang kaangtanan sa NPA si Fernan. (JoMaque)