ArchivesLokalUncategorized

Security guard sa Cabatuan, nagtiro sang kaugalingon, patay

Iloilo — Patay na ang security guard sang nasapwan sa iya gina-arkilahan nga kuwarto sa Zone 3, Cabatuan mga alas-otso kahapon sang aga, Abril 16.

Nasapwan si alyas Gel nga tumandok sang Pandan, Antique nga may gina-uyatan pa nga revolver sa iya tuo nga kamot.

Sa imbestigasyon ni Captain Sullen Domingo, hepe sang Cabatuan Police Station, may nakabati nga may gina-istorya si Gel sa iya cellphone kag ginapatihan nga iya asawa nga nagatrabaho sa luwas sang pungsod mga alas-7 sang gab-i sang Abril 15.

Mga alas-9 sang gab-i naman sang may nabatian nga mahinay nga lupok ang boardmate ni Gel sa kaiping nga kwarto pero ginbalewala lang ini.

Natingala ang caretaker sang boarding house sang wala makaguwa ang guwardya agud mag-duty kahapon sang aga gani gintuktok sa iya kuwarto pero wala nagasabat.

Naglibot ini sa likod kag gintuki ang jalousie window sa diin iya nakita ang nagahuray-ad nga gwardya. (JoMaque)

Leave a Reply