Pag-obserbar sang Semana Santa sa syudad sang Iloilo, malinong kag matawhay — ICPO

Iloilo City — Generally peaceful ang pag-obserbar sang Semana Santa sa Iloilo City.

Base ini sa assessment sang Iloilo City Police Office.

Suno kay Police Captain Shella Mae Sangrines, spokesperson sang ICPO, wala sang dalagku nga insidente nga mahimo maangut sa pag-obserbar sang Semana Santa.

Wala untat suno sa iya ang monitoring sang kapulisan halin sang Huwebes kag Biernes Santo tubtub sa Sabado de Gloria.

Nangin masulhay man ang sitwasyon sang mga pasahero nga nagtabok sa Guimaras halin sa syudad.

Napadayon suno kay Sangrines ang monitoring sang kapulisan sa syudad. (JoMaque)