Malay, Aklan Mayor Ciceron Cawaling, ginserbihan sang dismissal order angut sa pagpabaya sa pag-manage sang Boracay

Aklan – Ginserbihan sang Department of Interior and Local Government sang dismissal order si Malay Mayor Ciceron Cawaling pila ka oras lang matapos siya nagbalik sa pwesto matapos ginserbihan ang anum ka bulan nga preventive suspension.

Ginmandu sang Ombudsman ang dismissal ni Cawaling kag Jen Salsona nga municipal licensing officer sang Malay matapos napamatud-an nga guilty sa grave misconduct, gross neglect of duty, conduct unbecoming of a public official kag conduct prejudicial to the best interest of the service.

Nag-ugat ang dismissal order sa kaso nga ginpasaka sang DILG batuk sa 17 ka opisyal sa Aklan bangud sa pagpabaya sa management sang Boracay.

Ginserbe ni DILG 6 legal officer Atty. Cedric Jaranilla ang dismissal order kay Cawaling kaina sang hapon, Abril 24. Alas-otso kaina sang aga sang nagbalik sa iya opisina si Cawaling matapos naserbihan ang iya suspension order.

Ginatinguhaan pa sang Aksyon Radyo Iloilo nga makuhaan sang pahayag si Cawaling pero ‘cannot be reached’ ang iya cellphone number. (JoMaque)