San Joaquin Liga President, nakapalagyo, 2 mangunguma, arestado bangud sa pagpasungay sang baka sa San Joaquin

Iloilo — Dakup ang duha ka mangunguma, nakapalagyo naman ang Liga president sang San Joaquin sa pagpasungay sang baka sa Barangay Pitogo, San Joaquin.

Ginpasakaan sang kaso nga paglapas sa Animal Welfare Act ang magpakaduha nga Nelson Servidad, 59, kag Mamerto Sarabia, 22, kag si Pitogo Punong Barangay Pedro Joey Siasat.

Suno kay Major Juvy Navales, hepe sang San Joaquin Police Station, ginturn-over sa Department of Agriculture ang duha ka baka.

Gin-ako ni Servidad nga nagapasungay sila sang baka pero wala siya nagdumdom nga makasuhan siya bisan siya ang nagapanag-iya sang sapat.

Nag-operate ang San Joaquin police upod sa provincial mobile force company kag 4th maneuver platoon matapos nakabaton sang impormasyon nga may nagapapasungay sang baka kag karabaw. (JoMaque)