Top 6 most wanted person sa probinsya, patay sang ginpahayag nagbatu sa pulis matapos ginserbihan sang warrant of arrest

Dingle — Patay ang Top 6 most wanted person sa probinsya matapos ginpahayag nagbato sa pulis sang ginserbihan sang warrant of arrest sa Barangay Tambunak, 5:30 kahapon sang kaagahon, Abril 24.

Suno kay Police Captain Fernando Ponzalan Jr., hepe sang Dingle Police Station, namutikan sila sang subject nga si Rammy Enojo samtang nagapadulong sa lugar.

Ginpahayag nagpalupok si Enojo rason nagdepensa man ang mga pulis.

Gindala pa sa ospital si Enojo apang gindeklarar nga napatay.

Base sa inisyal nga impormasyon suno kay Ponzalan, lunsay sa lawas ang pilas ni Enojo.

Si Enojo ang suspect sa pagpatay sa anay mayor sang Pulupandan, Negros Occidental nga si the late Luis Mondia sang 2010 sa Jaro Cathedral.

‘MAY GRANADA’

Magluwas sa 1 ka caliber .38 revolver nga gingamit sang subject, ginpahayag nagtuyo pa siya nga magkuha sang granada apang wala nadayon.

Narecover ang caliber .38 revolver, granada kag ang 1 ka 12 gauge shot gun sa lugar.

Base sa monitoring sang pulis, nagatenir sa lugar si Enojo sugod sang nagligad nga tuig apang nagasaylo saylo man.

‘MOST WANTED PERSON’

Magluwas nga most wanted person, miembro man si Enojo sang Magno kag Matillano Crime Gang.

Ang Magno Crime Gang ang responsable sa pagpanghold-up sa Dingle kag malapit nga mga banwa.

Ang Matillano Crime Gang naman ang gun for hire group suno kay Ponzalan.

Natingub ang pwersa sang Dingle Police Station, Iloilo Police Provincial Office kag Provincial Special Operations Group sa amo nga operation. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %