Magulang patay matapos ginbuno sang iya manghod sa Oton; Suspek, ginpahayag may nervous breakdown

Oton, Iloilo— Patay ang magulang matapos ginbuno sa iya manghod sa Barangay Pakiad, Oton pasado alas 6:00 kagab-i, Abril 26.

Gindala pa sa Western Visayas Medical Center si alyas Rita, 50 apang wala gid natabangan bangud sang mga pilas sa nagkalain-lain nga parte sang iya lawas.

Suspek sa pagbuno sa biktima ang iya manghod nga si alyas Alex, 48 nga na-aresto sang mga pulis.

Suno kay Police Major Gervenson Moyo, hepe sang Oton Police Station, may daan nga huligut-anon ang duha antes ang insidente.

Ginpahayag nga may nervous breakdown ang suspek. (JoMaque)