Mga atleta sang Western Visayas, preparado na para sa Palarong Pambansa 2019 sa Davao City

Iloilo City — Preparado na ang mga atleta sang Western Visayas sa paghampang sa Palarong Pambansa 2019 sa Davao City nga magabukas buwas, Abril 28.

Ginpahayag ni Dr. Lea Belleza, spokesperson sang Department of Education Region 6, nga ginalauman nga magapangibabaw ang Western Visayas subong nga tuig nga Palaro.

Sa subong, yara na sa ila billeting area ang mga delegado sang Western Visayas nga nagalab-ot sa 880 ka ginabug-usan sang mga atleta kag mga officials.

Nagapangayo man si Dr Belleza sang pangamuyo sang mga Ilonggo para sa kadalag-an sang Western Visayas sa Palaro ilabe na sa safety sang mga atleta sa ila paghampang tubtub sa ila pagbalik sa rehiyon. (JoMaque)