Lalaki, pilason sang ginwakli ang gina-uyatan nga binangon nga tuyo agawon sang iya pamilya sa Concepcion

Iloilo — Napilasan sa abaga si Charlie Diasnes Jr., 26 anyos sang Sitio Casantolan, Brgy. Macalbang, Concepcion, matapos naigo sang ginabitbit niya nga binangon nga iya ginwakli sang tuyo nga agawon sang iya pamilya las 8 kagab-i, Abril 28.

Suno Kay Police Master Sergeant Edzel Rey Casia, imbestigador sang Concepcion Police Station, naka-inom si Diasnes kag naga-eskandalo bitbit ang binangon bangud may ginaakigan sa iya pamilya.

Gintuyo nga kuhaon sang pamilya ang binangon pero ginwakli ni Diasnes rason nga siya mismo ang naigo sang binangon. Wala sang hacking incident nga natabo suno kay Casia.

Padayon nga ginabulong sa Western Visayas Medical Center si Diasnes. (JoMaque)