Pila ka konsehal nga kaalyado ni Cong. Treñas, ma-kwestyon sa pagdeklarar sang city council sang state of calamity

Iloilo City — Pagakuwestyunon sang pila ka konsehal nga kaalyado ni Congressman Jerry Treñas ang pagdeklarar sang city coucil sang state of calamity sa syudad bangud sa kulang nga water supply.

Nagapati si Councilor Ely Estante nga wala sang quorum sa konseho sang gin-aprobahan ang resolution sang City Disaster risk Reduction and Management Council (CDRRMC).

Suno kay Estante, dapat siyam ka konsehal ang present sa session agud maka-quorum.

Nagapati man ang ila grupo nga wala sang kalamidad sa syudad bangud pila lang ka barangay ang apektado sang kakulang sang tubig.

Suno naman kay Councilor Love Baronda, makuha sila sang opinion sang concerned government agencies pareho sang Department of Interior and Local Government (DILG) angut sa ila pagkuwestyun sa deklarasyon.

Nagapanindugan si Baronda nga wala nalab-ot sang konseho ang mga requirements bangud wala sang mga dokumento nga nagapamatuod.

Ginakuwestyun man ni Baronda kun ngaa ginadalian gid ang pagdeklarar sang state of calamity. (JoMaque)