PRO 6 Director Brig. Gen. John Bulalacao, nagpanguna sa local absentee voting

Iloilo City –Ginpangunahan ni Police Regional Office 6 Director Police Brig. General John Bulalacao ang Local Absentee Voting sang kapulisan PRO 6 subong nga adlaw, Abril 29.

22 ka mga registered local absentee voters para sa May 13 midterm elections ang magaboto subong nga adlaw sa PRO 6.

Suno kay Mr. Jonathan Sayno, Election Assistant II sang City Comelec, ang local absentee voting magalawig tubtub sa May 1.

Magluwas sa mga pulis, mahimo man nga makapartisipar sa local absentee voting ang mga government officials and employees, mga miembro sang Armed Forces of The Philippines kag media practitioners nga indi makaboto sa election day bangud sa ila trabaho.

Base sa Comelec Resolution No. 10443, ang mga positions lang sa pagka-senador kag party-list groups ang puwede nga botohon sang mga local absentee voters. (JoMaque)