Speed boat sa Carles, ginpalukpan sang improvised nga dinamita; Ginabanta P1.5 million, ginbilin nga kahalitan – police

Carles, Iloilo – Padayon nga gina-imbestigaran sang mga pulis ang motibo kon ngaa ginpalukpan sang dinamita ang speed boat sa Barangay Poblacion pasado alas-12 kaina sang kaagahon, Abril 29.

Ginabanta sa P1.5 million ang kahalitan.

Wala pa ginhingadlan ni Police Master Sergeant Rufino Jordan, imbestigador sang Carles MPS, ang negosyante nga nagapanag-iya sang speed boat.

Pero nagaguwa sa imbestigasyon sang Carles police nga tatlo tubtob lima ka suspek ang nagbutang sang improvised nga dinamita sa tupad sang makina sang speed boat. (JoMaque)