‘Fake news’ – reaksyon ni PRO 6 Director B/Gen. John Bulalacao sa gin-alegar pamahug sa kabuhi sang mag-amay nga Garin

Kampo Delgado – Ginakabig ni Police Regional Office 6 Director Brigadier General John Bulalacao nga fake news ang naglapta nga text messages nga patyon ang mag-amay nga Guimbal Mayor Oscar Garin kag Congressman Richard Garin kag gin-akusaran sini ang taga-Criminal Investigation and Detection Group.

Suno kay Bulalacao, “mayroon lang silang (Garin) na-task na kaibigan nila o ‘di kaya nag-volunteer to spread this fake news for them to gain sympathy from other people.”

Imbestigaran sang Kampo Delgado kon sin-o ang nagpalapta sang text message.

‘INDI MATUOD’
‘I vehemently deny,” naman ang reaksyon ni CIDG 6 Director Lt. Col. Benliner Capili sa alegasyon.

Wala pa makita ni Capili ang text message gani indi niya mapa-imbestigaran. Posible suno kay Capili nga may luyag lang maguba sang imahe sang mga pulis.

‘REAKSYON SANG MGA GARIN’
Indi lang text message ang nagalapta angut sa ginpahayag pamahug. Suno kay Cong. Garin, nagalapta man sa Messenger nga may plano nga malain ang CIDG pero wala madayon sa event sa Guimbal bangud madamo sang mga bata.

Sa pagtan-aw ni Cong. Garin, ‘amateur’ ang pagplastar sang mensahe kag wala niya ginapatihan.

Gintawag pa ni Cong. Garin ang tikang nga “mindless ukon daw wala utok nga strategy sang isa ka desperado nga kandidato kag ginakondenar gid naton.”

Wala naman nagakumpiyansa ang pamilya suno sa kongresista kag nagapabilin sila nga mahinalungon, matuod man ukon indi ang naglapta nga mensahe. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %