Plano nga pag-distribute sang tubig sa mga barangay sa siyudad nga apektado sang problema sa water supply, wala pa ma-finalize sang CRDDMC kag city administrator

Iloilo City (UPDATE) – Wala pa ma-finalize sang City Disaster Risk Reduction and Management Council (CDRRMC) kag City Administrator ang plano nga pag-distribute sang tubig sa mga barangay nga gintumod may kakulang sang suplay sang tubig.

Kasunod ini sa pagdeklarar paagi sa City Council sang state of calamity sa siyudad.

Suno kay City Administrator Atty. Hernando Galvez, kuhaon ang tubig sa hydrant sang Metro Iloilo Water District (MIWD).

Indi pa makahulag bangud ginahulat pa ang hard copy sang resolution nga gin-aprubahan sang City Council.

Posible gamiton ang tanker sang Bureau of Fire Protection, Fire Federation kag Iloilo Citizens Action Group (ICAG) sa pag-distribute sang tubig.

Gin-athag naman ni Galvez nga may suplay sang tubig ang MIWD apang indi makalab-ot sa pila ka kabaranggayan bangud mahina ang pressure. (JoMaque)