1 patay, 1 pilason sang nagdiretso sa katubuhan ang owner-type jeep sa Passi City

Passi City— Isa patay kag isa ang pilason matapos naglapaw sa kurbadahon nga dalan ang owner-type jeep sa Barangay Jaguimitan kahapon, Abril 30.

Gindala pa sa ospital ang driver sang owner-type jeep nga si Pedro Cervantes, 61 apang wala gid natabangan bangud sa patal nga pilas sa ulo.

Pilason naman ang pasahero sang owner nga si Anthony Santos, 27-anyos nga padayon nga ginabulong sa Don Valerio Palmares Memorial District Hospital.

Sa imbestigasyon sang Passi City Police, wala makontrol sang driver ang manibela sang salakyan bangud sa madasig nga pagpadalagan kabangdanan nagdiretso sa katubuhan. (JoMaque)