Fish vendor nga ginpahayag miembro sang fraternity, patay matapos ginbuno sa Oton

Oton, Iloilo – Patay si Gerald Esteral, 27, fish vendor pagkatapos ginbuno sa Poblacion, South pasado alas 10:00 subong nga gab-i, Abril 30.

Gindala pa ang biktima sa The Medical City pero napatay bangud sang pilas sa dughan. May ginasunod na ang Oton Police nga suspect nga ginpahayag miembro man sang isa ka fraternity.

Sa imbestigasyon ni Senior Master Sergeant John Batadlan sang Oton MPS, posible nagsinuyaay ang biktima kag suspek tubtob may nagluntad nga pagbinun-anay.

Ginkumpirmar ni Batadlan nga miembro sang Tau Gamma Phi Fraternity ang biktima nga fish vendor.

Pero antes natabu ang insidente, nag-parada ang nagkalain-lain nga grupo kag fraternities sa Oton may kaangtanan sa opening sang Katagman Festival subong nga adlaw.

Padayon ang imbestigasyon sang Oton Police sa motibo kag identity sang suspek nga nagbuno sa biktima. (JoMaque)