Mga water utilities, ginhinyo sang city council nga indi magpanukot sa mga konsumidor sang minimum rate kun indi ma-utilize ang 10 cubic meters kada bulan

ILOILO CITY — Nagpasar sang resolution ang City Council nga nagahinyo sa tanan nga mga water utilities sa syudad nga indi mag-charge sang minimum rate sa mga pumuluyo kun wala man lang nalab-ot ang 10 cubic meters kada bulan.

Suno kay Councilor R. Leone Gerochi, bangud ginakulang subong ang tubig kag wala sang nagatubod sa mga barangay, mangin unfair para sa mga konsumidor ang magbayad.

Bisan nakakuha pa sila sang tubig apang kun kinahanglan pa nga pulawan, makahatag gihapon sang huol sa mga konsumidor.

Ginpahayag ni Gerochi nga ang iya resolution ang nagaserbe man nga paalinton sa mga konsumidor nga mahimo sila nga makareklamo sa mga water utilities. (JoMaque)