May 21, 2022

Lalaki sa Banate, nagbitay-patay

Read Time:43 Second

Iloilo — Wala gid natabangan ang 32 anyos nga lalaki sa Banate matapos nag-bitay sa iya balay gamit ang lubid mga las 7 kahapon sang aga, Mayo 1.

Suno kay Police Captain Genesis Roque, hepe sang Banate Police Station, ginhingagaw pa dala sa Barotac Viejo District Hospital si alyas Toto, apang gindeklarar nga napatay.

Nakit-an na lang sang iya mga kasilingan nga nagabitay ang lalaki sa guwa sang iya kusina kaina sang aga.

Ginpahayag ni P/Captain Roque nga kagab-i, nakahambal pa sa iya abyan si Toto nga ini na lang ang katapusan niya nga panihapon antes ang iya paghikog.

Dugang sang pulis, posible problema sa paghigugma ang rason sang paghikog sang lalaki bangud indi niya mabaton ang pagkadtu sang iya nobya sa abroad tatlo ka bulan na ang nagligad.

Naga-isahanon nga naga-istar sa iya balay si Toto. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Fish vendor nga ginpahayag miembro sang fraternity, patay matapos ginbuno sa Oton
Next post Desisyon sang Sandiganbayan nga naga-convict kay former Janiuay Mayor Frankie Locsin sa graft case, gin-affirm sang Korte Suprema