HVT drug personality sa Mandurriao, nadakpan sa buy bust operation

Mandurriao —- Arestado ang High Value Target ukon HVT level 1 drug personality sa buy bust operation sa Barangay Bakhaw subong nga aga, Mayo 3.

Suno kay Police Major Marlon Valencia, hepe sang Mandurriao Police Station, miembro sang Gomez Group ang subject nga si Glenn Ituriaga, 50-anyos kag pumuluyo sang amo nga Barangay.

Ang Gomez Group ang sub group naman sang Prevendido Drug Group.

Nakuhaan si Ituriaga sang 15 ka sachets sang suspected shabu kag P500 nga buy bust money.

Nalakip ang subject sa report sang Barangay Anti Drug Abuse Council suno sa pulis.

Nagpamalibad naman nga magpa-interview si Ituriaga. (JoMaque)