Supporter sang vice mayor sa Valderrama, Antique, gintiro-patay

Antique – Patay ang supporter ni Valderrama incumbent Vice Mayor Josefino Castillon matapos gintiro sa baylehan sa Buluangan I, pasado las-12 kaina sang kaagahon, Mayo 3.

Ginkilala ang biktima kay Angelito Roquero Jr., nga may pilas sa dughan.

Suno kay Police Major Joseph Puno, acting chief of police sang Valderrama MPS, paguwa sa baylehan ang biktima kag nagasunod sa bise alkalde sang gintiro.

Nadakpan naman ang suspect nga si Raymart Francisco kag yara na sa custody sang mga pulis.

Gina-imbestigaran pa sang mga pulis ang motibo sang krimen. (JoMaque)