Police presence, ginpabaskug sang IPPO sa 5th district

IPPO Headquarters – Dugangan ang mga pulis nga i-deploy sa 5th District samtang nagahilapit ang eleksyon sa Mayo 13.

Ginconfirmar ni Iloilo Police Provincial Office (IPPO) Director Police Col. Marlon Tayaba nga ginpabaskug ang police deployment sa Quinto Distrito bangud sang intense political rivalry kag history sang election-related nga ginamo ilabe na sa mga lugar nga ginakabig ‘areas of concern.’

Hugot nga ginabantayan suno kay Tayaba ang Lemery, Sara, Estancia, Carles lakip ang San Dionisio.

May fixed checkpoint (ukon may regular nga checkpoints) sa Sara-Concepcion junction suno pa kay Tayaba.

Tuyo sini suno sa IPPO Director nga masiguro nga malinong kag matawhay ang eleksyon sa distrito. (JoMaque)