Iloilo Division Schools Supt., nagapangayo sang paghangup sa delay nga pag-release sang allowance sang mga nagpasakup sa Palarong Pambansa 2019

Iloilo – Nagpangayo sang paghangup si Iloilo Divison Schools Superintendent Dr. Mac Apusin sa delegasyon sang Iloilo province nga nagpasakop sa 2019 Palarong Pambansa sa Davao City matapos nga delay ang pag-release sang ila allowance.

Ginconfirmar ni Apusin nga tubtub subong, wala pa ma-release ang allowance sang mga trainors, athletes kag coaches sang Iloilo delegation bangud ginahulat pa ang exemption sang COMELEC agud ma-disburse ang pondo.

Suno kay Apusin, first week pa sang Marso sang ila ginsumiter ang ila request nga naglab-ot sa P11 million apang tubtub subong, wala gihapon ma-release bisan pa nagtakup na ang Palarong Pambansa kahapon, Mayo 4. (JoMaque)