Councilor Love Baronda, ginarespeto gihapon si Mayor Joe Espinosa bisan isa siya sa mga gintawag sang alkalde nga ‘utok lamok’

ILOILO CITY — Ginarespeto gihapon ni Councilor Love Baronda si Mayor Joe Espinosa bisan pa nga gintawag sang alkalde ang mga kaalyado ni Congressman Jerry Treñas nga mga “utok lamok.”

Suno kay Baronda, opinion ini sang alkalde kag ginarespeto niya gihapon si Espinosa bilang isa ka honorable nga personalidad.

Dugang pa ni Baronda, indi na niya problema kun mag-name calling ang alkalde.

Matandaan nga nagpahayag si Espinosa nga mga “utok lamok” ang mga kaalyado ni Congressman Jerry Treñas matapos nagpadala sang sulat sa mga department heads nga indi pagsuportahan ang pagdeklarar sang state of calamity. (JoMaque)