May 21, 2022

Topnotcher sa Bar Exam 2018, ginpakigbahin ang iya sikreto sa pagpanguna sa pasinawan

Read Time:1 Minute, 33 Second

Manila — Luyag sang nagpanguna sa 2018 bar examination nga pamatud-an nga masarangan man sang mga miembro sang LGBT community nga magpanguna sa amo nga prestihiyoso nga pasinawan.

Suno kay Sean James Borja, graduate sang Ateneo de Manila University, lakip sa mga rason kun nga-a nagdesisyon siya nga mangin abogado amo ang mangin tingog sang mga ginapigos ilabi na sang LGBT community.

Nagapati si Borja nga masarangan sang mga miembro sang LGBT community nga magpanguna kun may nagakaigo nga mga oportunidad.

Si Borja ang nakakuha sang 89.3060% passing rate ang nagpanguna sa 1,800 ka mga nakapasar halin sa 8,154 ka mga nagkuha sang 2018 bar exam.

‘SLEEP WELL’

Ginpakigbahin naman ni Borja ang iya mga sikreto sa pagpanguna sa bar exam.

Suno kay Borja, dapat magtulog sang kapin walo ka oras kada adlaw ang mga nagareview.

Tuman ka budlay sang sitwasyon sa pagreview kag pagtuon suno kay Borja rason dapat makapahuway sang maayo ang utok.

Dugang niya, dapat sundon man ang schedule sang mga natungdan. Antes magtuon si Borja halin 9:00 A.M. tubtob 9:00 P.M., nagawork out anay siya agud makondisyon man ang iya utok.

Importante nga pag-intindi sang maayo sa kaundan sang mga tulun-an suno kay Borja ilabi na kun madamo ang mga balasahon.

Importante ang holistic development ukon pagbalanse sang mental, emotional, physical kag spiritual health suno kay Borja para malab-ot ang inner peace ukon katawhay sang paminsaron.

‘THERE IS HOPE AND CHANCE’

Nagpanawagan naman si Borja sa mga nagkuha sang 2018 bar exam nga wala nakapasar nga indi madulaan sang paglaum.

Dugang niya, madamo pa ang mga kahigayunan kag oportunidad para magtuon kag makapasar sa bar exam.

Nagapati si Borja nga masarangan gid sang mga natungdan nga mga makapasar kun idedikar nila ang ila tagipusuon kag pasangkarun man ang ila paminsaron para malab-ot ini. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Holy month of Ramadan, maga-umpisa subong nga adlaw
Next post Councilor Love Baronda, ginarespeto gihapon si Mayor Joe Espinosa bisan isa siya sa mga gintawag sang alkalde nga ‘utok lamok’