1 patay, isa pilason sa pagpangbuno sa Calinog

Iloilo — Isa ang patay kag isa ang pilason sang ginpangbuno sa Brgy. Alibunan, Calinog kagab-i, Mayo 6.

Ginkilala ang napatay kay Charlie Chiva, 38 anyos sang Brgy. Alibunan samtang pilason si Edmundo Casiple, 49 sang amo man nga lugar.

Suno kay Kimberly Daquita, 23 sang Brgy. Dalid kag hinablos ni Casiple, halin ang mga biktima kag ang suspect nga si alyas Teban sa tyangge kag bag-o lang tapos inom-inom sang makahulobog nga ilimnon.

Una nga nagpuisay suno sa iya si Chiva kag ang suspect tubtub ginbuno ang biktima.

Sang nakita ni Casiple, nagtuyo siya nga magtambag pero nabun-an man siya.

Napilasan sa tiyan kag wala nga kilid sang lawas ni Chiva kag napatay pag-abot sa Western Visayas Medical Center.

May duha naman ka pilas sa wala nga parte sang lawas kag isa sa likod si Casiple nga confined sa WVMC.

At large ang suspetsado. (JoMaque)