Alleged vote buying sang mga kandidato sa Carles kag Sara, nagakatabu man — IPPO Director Marlon Tayaba

Iloilo — May nagakatabu man nga ginpahayag vote buying sang mga kandidato sa pila ka banwa sa Norte nga parte sang probinsya.

Ini ang ginpabutyag ni Iloilo Police Provincial Office (IPPO) Director P/Colonel Marlon Tayaba base sa ginpadala sa ila nga impormasyon.

Gin-mention sa impormasyon suno sa iya ang Carles kag Sara pero gintumod si certain James Balsomo nga amu ang nagapamakal sang boto pabor sa isa ka politiko.

Pero gina-validate pa ni Tayaba ang amu nga impormasyon.

Sa impormasyon naman sang alleged vote buying sa Miag-ao kag Igbaras nga ginbuyagyag ni Police Regional Office 6 Director P/BGeneral John Bulalacao, ginpahayag ni Tayaba nga ginapa-verify na niya ini sa mga intelligence operatives.

Kun may kumpirmasyon na suno sa iya, magahimo siya sang report kag isumiter sa PRO 6 Director.

Sa press conference ni Bulalacao kahapon, Mayo 6, ginbuyagyag niya nga nakabaton siya sang impormasyon angut sa ginpahayag vote buying sang mga Garin kag Biron sa Miag-ao kag Igbaras. (JoMaque)