Garin, Biron, ginmitlang ni PRO 6 Director P/BGen John Bulalacao nga naga-engage sa vote buying base sa ginpalab-ut sa iya nga text message; Kampo sang mga Garin kag Biron, wala pa sang komento

Kampo Delgado – Nakabaton sang reklamo si Police Regional Office 6 Director Police Brig. Gen. John Bulalacao angut sa ginpahayag vote buying sa probinsya.

Suno kay Bulalacao, duha ka pulitiko ang gin-text sa iya nga nagapanagtag sang groceries kag kwarta sa Igbaras kag Miag-ao. Iya ginmitlang ang Garin kag Biron pero padayon suno sa iya ang pag-validate sa impormasyon.

Ginlaygayan ni Bulalacao ang tagreklamo nga magpadala sang litrato sang ebidensya. Indi suno sa iya dali-dali nga makaresponder ang mga pulis kon makabaton sang impormasyon bangud posible man nga patibung lang ini sang kaaway kag i-ambush ang mga maresponder.

Gintawgan na sang Aksyon Radyo Iloilo ang kampo sang mga Garin kag Biron pero wala pa sila makahatag sang komento sa statement sang PRO 6 director. |(JoMaque)