Kapin 700 soldado, 900 CAFGU members, gin-deploy sa panay para sa eleksyon sa Mayo 13

Miagao, Iloilo — Gin-deploy sang 61st Infantry Battalion sang Philippine Army ang kapin 700 ka mga soldado kag 900 ka mga miembro sang Citizen Armed Force Geographical Unit (CAFGU) para sa eleksyon sa Mayo 13.

Suno kay Lieutenant Colonel Joel Benedict Batara, commanding officer sang 61st IB, madugangan pa ang tropa nga magabantay sa security sa Panay sa nagahilapit nga eleksyon bangud may augmentation pa sila nga ginapa-abot halin sa 3rd Infantry Division.

Mabulig ang mga soldado kag ang mga CAFGU members sa mga pulis sa pagmentinar sang kalinong kag katawhay sa eleksyon ilabi sa mga banwa nga ginakabig election hot spots.

‘NAGAPADAYON, GINAPABASKOG’

Nagpasalig si Batara nga padayon ang ila clearing operations agud mapapas ang mga rebelde kasubong sang mga miembro sang New People’s Army.

Dugang niya, ginapabaskog man nila ang ila information sharing sa iban pa nga mga units kag ahensiya sang gobyerno angut sa movement sang mga rebelde.

Matandaan, gingapos kag gindis-armahan sang NPA ang pulis nga naga-duty sa Highway Police Assistance Desk (HI-PAD) sa Barangay Bancal, Alimodian sang Abril 27.

Ginpahayag gingapos kag ginkawatan man sang mga NPA members ang duha ka tricycle drivers antes gindis-armahan si Police Corporal John John Anaya. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %