Kaso sang HIV sa Western Visayas, nagadugang kada siyam ka oras; Iloilo City, nagapanguna sa may pinakadamu nga HIV cases

Iloilo City — Isa ang nagaka diagnose sang HIV kada siyam ka oras sa Western Visayas, as of February 2019.

Base sa record sang DOH, halin January 1986 tubtob February 2019, nagalab-ot na sa 3, 174 cases ang na record.

Pinakamadamo ang Iloilo City nga may 791 cases; 666 sa Iloilo Province; 554 sa Negros Occidental; 506 sa Bacolod City; 222 sa Capiz; 209 sa Aklan; 164 sa Antique kag 63 sa Guimaras.

Sa 2019, lima na ang na-record nga napatay sa Iloilo Province, duha sa Guimaras, duha sa Iloilo City, isa sa Aklan, kag isa sa Antique.

Ang Western Visayas ang panglima nga rehiyon sa bilog nga pungsod nga may pinakamadamo nga kaso sang HIV nga na record. (JoMaque)