Liberal Party, Magdalo kag pila ka media outfits, gindalahig sang Malakanyang sa mga pagpaninguha nga gub-on ang Duterte administration

Manila — Gindalahig sang Malacañang ang Liberal Party, Magdalo kag iban nga media outfits sa mga pagtinguha agud gub-on ang administrasyon ni Presidente Rodrigo Duterte antes antes ang midterm elections.

 Sa press conference kahapon, Mayo 8, ginpahayag ni Presidential Spokesman Salvador Panelo nga nakabaton sang impormasyon ang presidente nga nagahimbon ang gintumod nga mga grupo batuk sa Duterte government.

Na-validate suno kay Panelo ang mga impormasyon kag natukiban nga may mga ginahimo nga pagguba sa administrasyon kag pagpabaskug sang kandidatura sang mga opposition senatorial candidates.        

Pila ka media organization man nga namitlang sa Oust Duterte matrix nga una ginpaguwa sang Malacañang ang ginpahayag nga kaupod sa conspiracy suno kay Panelo. (JoMaque/with info from CNNPhilippines)