Barangay Kagawad nga nagreklamo nga gindapal kag ginguramos sa atubang ni Mayor Joe Espinosa, nagpasaka sang kaso; Kagawad, nagpahayag nga may pagmahog sa iya nga pahalinon siya sa barangay

ILOILO CITY — Nagpasaka sang direct asault kag slander by deed si Barangay Kagawad Jiji Balgos batok sa asawa ni Rizal Pala-Pala II Punong Barangay Noel Soliman nga si Teresita Soliman matapos gindapal kag ginguramos siya sa atubang ni Mayor Joe Espinosa.

Grave oral defamation naman ang ginpasaka batok sa pakaisa sang kapitan nga si Lilibeth Concepcion kag sa tiya nga si Sonia Roque bangud sa pagbuyayaw kay Balgos.

Nangin emosyonal pa si Balgos matapos ang pag-file niya bangud suno sa iya, tuman ka sakit ang ginhimo sa iya ni Soliman, ilabi na nga sa atubang pa sang alkalde.

Ginakabig man niya nga pagpamahog ang hambal sa iya nga pahalinon siya sa barangay kun indi magdaog si Espinosa kag pahalinon man siya sa ginabaligyaan niya sang talabahan. (JoMaque)