PECO, nagpasalig nga wala sang brownout sa May 13 elections

Iloilo City–Ginpasiguro sang Panay Electric Company ukon PECO nga wala sang matabu nga brownout sa syudad sa adlaw mismo sang piniliay sa Mayo 13.

Suno kay Engr. Randy Pastolero, vice president for operations sang PECO, magluwas sa naka-deploy nga standby team, nakahanda man ang iban nila nga supplier agud maghatag sang dugang nga supply kon kinahanglan.

Nag-deploy man ang PECO sang dugang nga teams kag supervisors para mag-duty agud i-monitor ang piniliay.

Dugang pa ni Pastolero nga nagpakig-angut na sila sa Philippine National Police ukon PNP para i-secure ang mga power supplies sa adlaw mismo sang piniliay. (JoMaque)