Tricycle driver sa Sta. Barbara, gintiro patay; security guard nga suspek, nakapalagyo

Sta. Barbara, Iloilo — Patay ang tricycle driver sang gintiro kag suspek ang iya iya kasilingan sa Barangay Cabugao Norte, Sta. Barbara kagab-i, Mayo 9.

Suno kay Police Captain Jose Rey Pabalan, hepe sang Sta. Barbara Police Station, nagsugat-anay ang biktima nga si Sammy Surial kag suspetsado nga si Larry Espino kag ginpahayag nagsuay tubtob nga gintiro sang suspetsado ang biktima.

Gindala pa sa ospital si Surial apang gindeklarar dead-on-arrival bangud sang mga pilas sa lawas.

Nagpalagyo ang security guard nga suspetsado kasunod sang krimen.

Na-recover sa crime scene ang apat ka empty shell sang .45 caliber pistol. Natukiban sa imbestigasyon sang mga pulis nga may pagdumtanay na sa duha.

Suno kay Pabalan, 2016 sang gintiro man ni Espino si Surial matapos ginpahayag nag-inaway. Naga-obra sadto sa isa lang ka lugar ang biktima kag suspetsado.

Natalana i-autopsy ang biktima. Desidido naman nga magpasaka sang kaso ang pamilya ni Surial. (AGB)