‘Vote buying’, rampant sa Iloilo province – PRO6 Director

Iloilo – ‘Rampant’ ang vote buying sa probinsiya sang Iloilo.

Ini ang paglaragway ni Police Regional Office 6 Director Police Brigadier General John Bulalacao base sa reports nga iya nabaton.

Suno kay Bulalacao, hayag ang binaklanay sang boto kag paghatagay sang mga groceries sa probinsiya sang Iloilo kumparar sa iban nga probinsiya sa Western Visayas.

Ginpahanumdom niya nga may salabton ang pagbakal sang boto kag ang nagabaligya sang ila boto.

Pero posible suno kay Bulalacao nga ginahingalitan lang sang mga botante ang kwarta sang mga kandidato rason nga ila ginabaton.

Sa bahin naman sang mga pulitiko, posible nga wala sila mahadlok sa ‘vote buying’ bangud mabudlay pamatud-an ang reklamo sa pagpamakal sang boto.

Gin-aku ni Bulalacao nga madamo pa sang proseso ang reklamo sa ‘vote buying’.

Dapat suno sa iya nga magtipon sang affidavit kag ebidensiya kag may presensiya man sang testigo.

Ginpasiguro naman ni Bulalacao nga ginatinguhaan sang kapulisan nga maaksyonan ang tanan nga report angut sa pagpamakal sang boto.

Isumiter sang PRO6 sa Comelec ang ila report angut sa vote buying kag nakadepende na sa ahensiya kon mag-file sila sang kaso. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %