Lalaki, nasapwan patay sa Jaro
Iloilo City— Nasapwan nga patay ang lalaki sa Barangay Benedicto kaina sang kaagahon, Mayo 11.
May 14 ka pilas sang pagkabuno sa likod kag tiil ang biktima nga naka-helmet pa, nakabayo sang puti kag naka-pants sang puti sang nasapwan sa higad sang karsada.
Na-recover malapit sa bangkay sang biktima ang motorsiklo nga ginpahayag ginsakyan sang biktima kag driver’s license sa bulsa niyanga nakapangalan kay Jay Alico sang Aposaga, Sara.
Padayon ang imbestigasyon sang Jaro Police agud makilala ang suspetsado. (JoMaque)